Dy partitë më të mëdha në vend, Partia Demokratike dhe Partia Socialiste, do të mbyllin fushatën e tyre elektorale në Tiranë.
Pas një muaji me takime dhe premtime elektorale, selia blu dhe ajo rozë pritet të përplasen në distancë me mitingjet e tyre përmbyllëse në të njëjtën ditë, por në vende të ndryshme të kryeqytetit.
Kreu i Partisë Demokratike, Sali Berisha, ka njoftuar se mbyllja e fushatës nga ana e PD do të mbahet të premten, më 9 maj, në orën 19:00, në Bulevardin e Ri të Tiranës. Nga ana tjetër, edhe Partia Socialiste ka zgjedhur të përmbyllë fushatën në të njëjtën ditë dhe orar, pranë Parkut Olimpik.
Mitingjet pritet të sjellin mbështetësit e të dyjave forcave politike në kryeqytet, për të shënuar kështu pikën kulmore të fundit të fushatës elektorale në vend pas 30 ditësh fushatë.
