Drejtuesi politik i Partisë Demokratike në Tiranë për zgjedhjet e 11 majit, Belind Këlliçi, deklaroi sërish se se në rast fitoreje të PD-së, emri i kryeministrit të ri do të përcaktohet përmes një referendumi brenda partisë.
Ai la të kuptohet se nuk është e sigurt që shefi i qeverisë së ardhshme do të jetë Sali Berisha.
“Berisha e ka thënë që prej një viti se nëse PD fiton, do të ketë referendum për të zgjedhur kryeministrin. Ai e mban fjalën,” u shpreh Këlliçi për Neës24, duke theksuar se beteja politike nuk është për pushtet personal, por për të rikthyer demokracinë dhe shpresën tek qytetarët.
“Berisha e ka thënë se do ketë referendum nëse PD fiton zgjedhjet. E ka thënë prej një viti. Berisha e mban fjalën. Fokusi është këtu. Nuk i ka hyrë kësaj gare Berisha dhe PD për pushtetin personal të kujtdo, qoftë edhe Sali Berishës. Është njeriu më i arrirë në politikën shqiptare sot” – tha ai.
Kjo është e disata herë që Këlliçi shprehet se Berisha nuk do të jetë kryeministër nëse PD fiton zgjedhjet dhe është i vetmi që e përsërit pothuajse në çdo dalje publike.
