Ndërsa na ndajnë vetëm pak ditë nga zgjedhjet parlamentare të 11 majit, SPAK ka konfirmuar zyrtarisht se ka nisur 35 procedime penale për krime zgjedhore.
“Deri më datë 5 maj janë regjistruar 115 materiale kallëzuese, të cilat përfshijnë: kallëzime nga subjekte politike, referime nga Policia e Shtetit, materiale të iniciuara kryesisht nga Struktura e Posaçme kundër Korrupsionit dhe Krimit të Organizuar, denoncime nga platforma online dhe denoncime nga qytetarët”, njofton SPAK.
Sipas të dhënave zyrtare, nga subjektet politike janë dorëzuar 25 kallëzime, ndërsa përmes platformës online janë depozituar 35 materiale kallëzuese. Në total janë regjistruar 35 procedime penale, nga të cilat 8 janë iniciuar drejtpërdrejt nga SPAK.
