Prokuroria e Përgjithshme ka informuar mbi numrin e kallëzimeve dhe procedimeve penale të regjistruara nga prokuroritë me juridiksion të përgjithshëm, në lidhje me veprat penale që lidhen me procesin zgjedhor. Sipas këtij institucioni, në total janë regjistruar 44 kallëzime penale.
“Burimet e njoftimit për këto vepra penale kanë qenë: policia gjyqësore në 19 raste; SPAK në 9 raste; subjektet politike në 6 raste; të nisura kryesisht nga vetë prokuroria në 8 raste dhe nga shtetas të ndryshëm në 2 raste. Nga raportimet e marra në Prokurorinë e Përgjithshme rezulton se kallëzimet janë regjistruar si më poshtë: 5 në Prokurorinë e Fierit, 3 në Prokurorinë e Sarandës, 2 në Prokurorinë e Durrësit, 7 në Prokurorinë e Tiranës, 2 në Prokurorinë e Gjirokastrës, 3 në Prokurorinë e Kukësit, 3 në Prokurorinë e Lezhës, 9 në Prokurorinë e Dibrës, 2 në Prokurorinë e Vlorës, 1 në Prokurorinë e Korçës, 2 në Prokurorinë e Shkodrës dhe 5 në Prokurorinë e Elbasanit”, njofton Prokuroria.
