Parada "Albanian Roots" ka pushtuar rrugët e New York-ut me një valë krenarie kombëtare, duke sjellë bashkë shqiptarë nga e gjithë diaspora në ShBA.
Me flamuj kuqezi, veshje tradicionale, këngë e valle, komuniteti shqiptar ka festuar rrënjët dhe trashëgiminë kulturore në një nga qytetet më të mëdha të botës.
Ngjarja, e cila organizohet çdo vit nga organizata "Albanian Roots", synon të promovojë kulturën shqiptare dhe të forcojë lidhjet midis brezave të shqiptarëve në emigracion.
Parrullat me mesazhe si "Krenar që jam shqiptar", "Albanian and Proud" dhe performancat me motive folklorike kanë qenë ndër momentet më emocionuese të paradës.
Marrin pjesë përfaqësues nga Shqipëria, Kosova, Maqedonia e Veriut, Mali i Zi e më gjerë, duke treguar përbashkësinë shqiptare përtej kufijve politikë.
