Kryetari i Partisë së Lirisë, Ilir Meta, në një intervistë për Syri TV ka deklaruar se në zgjedhjet e ardhshme lokale PL do të garojë me siglën e saj. Ai është shprehur se PD tani ka marë vulën që ia kishin rrëmbyer për tre vite.
“Tani që fatmirësisht që PD e rimori vulën që i kishin rrëmbyer për tre vite në zgjedhjet e ardhshme, Partia e Lirisë do garojë me siglën e saj të paktën në të gjitha Këshillat Bashkiakë të Shqipërisë dhe do provojë realisht fuqinë e saj”, tha Meta.
Kjo është deklarata e parë e Metës që tregon pozicionimin e forcës së tij politike në zgjedhjet e parakohshme që priten të mbahen në 5 bashki këtë vit, apo në 2027.
Me gjasë kreu i PL nuk është i kënaqur nga rezultati i 11 majit duke u futur në listën e PD, pasi Meta nuk arriti të dalë deputet.
Arsyeja se kandidonte bashkë me Berishën për shkak se ky i fundit nuk kishte marrë akoma PD nuk është dhumë bindëse, pasi një vit para zgjedhjeve të 11 majit, vula dhe sigla i kaluan liderit historik të demokratëve.
