Mbreti Charles III ka zhvilluar një takim privat me Princin Harry, Meghan Markle dhe dy fëmijët e tyre, Archie dhe Lilibet, në atë që konsiderohet ribashkimi i parë i sovranit me familjen e Dukës dhe Dukeshës së Sussex që nga viti 2022.
Sipas raportimeve të Daily Mail, takimi u zhvillua në rezidencën rurale të Mbretit në Gloucestershire, ku ishte e pranishme edhe Mbretëresha Camilla.
Burime pranë familjes mbretërore e përshkruajnë takimin si “një ngjarje private familjare”, duke theksuar se nuk do të publikohen fotografi apo detaje zyrtare nga takimi.
Ribashkimi vjen në prag të vizitës së Princit Harry në Mbretërinë e Bashkuar dhe shihet si një hap i rëndësishëm në marrëdhëniet mes Sussex-ëve dhe familjes mbretërore, të cilat kanë qenë të tensionuara prej vitesh pas largimit të çiftit nga detyrat mbretërore dhe zhvendosjes në Shtetet e Bashkuara.
