Trajneri i Portugalisë, Roberto Martínez, ka reaguar ndaj kritikave për vendimin e tij për të mos zëvendësuar Cristiano Ronaldon gjatë barazimit ndaj Kongos.
“Nuk ka kuptim të nxjerrësh golashënuesin më të mirë në futbollin botëror nga një ndeshje ku duhen gola”, deklaroi tekniku spanjoll pas takimit.
Megjithatë, paraqitja e Portugalisë në repartin ofensiv ka ngritur pikëpyetje, pasi skuadra hasi vështirësi të mëdha për të gjetur rrugën e rrjetës në ndeshjen e zhvilluar në Hjuston.
Kritikët theksojnë se Ronaldo nuk ka shënuar asnjë gol nga loja me fanellën e Portugalisë në fazat finale të Kampionatit Evropian ose Botërorit që prej 19 qershorit 2021. Në Botërorin e Katarit ai realizoi vetëm nga pika e penalltisë kundër Ganës, ndërsa në Euro 2024 nuk arriti të shënonte asnjë gol.
Pavarësisht statistikave, 41-vjeçari mbetet një nga figurat më të rëndësishme të kombëtares portugeze, ndërsa Martínez vijon t’i besojë rolit të tij në skuadër.
