Eurodeputetja franceze Manon Aubry ka reaguar ndaj kryeministrit shqiptar Edi Rama, një ditë pas takimit të tij në Paris me presidentin francez Emmanuel Macron.
Në një postim në rrjetin social X, Aubry kritikoi mbështetjen e Francës ndaj qeverisë shqiptare, në një moment kur, sipas saj, vendi po përballet me protesta dhe pakënaqësi qytetare prej 23 ditësh.
Ajo deklaroi se takimi i Macron me Ramën zhvillohet në një kohë kur Shqipëria është “në revoltë”, duke theksuar se Franca nuk duhet t’i japë, siç u shpreh ajo, “çek të bardhë” një qeverie që, sipas saj, vepron në favor të interesave të huaja dhe oligarkëve. Aubry e mbylli reagimin e saj me një thirrje simbolike në mbështetje të protestave.
