Grupi parlamentar i Partisë Demokratike ka kërkuar zhvillimin e një debati në Kuvend mbi raportin e fundit të Komisionit Evropian për Shqipërinë, si edhe mbi kërkesat e protestuesve që prej tre javësh po protestojnë para Kryeministrisë.
Në kërkesën e firmosur nga kreu i grupit parlamentar, Partia Demokratike Gazment Bardhi, theksohet se protestuesit kanë paraqitur pesë kërkesa kryesore, të cilat sipas opozitës kërkojnë adresim të menjëhershëm.
Kërkesat përfshijnë: dorëheqjen e qeverisë; shfuqizimin e kuadrit ligjor për investimet strategjike; anulimin e “Paketës së Maleve”; shfuqizimin e ndryshimeve në ligjin për zonat e mbrojtura; si dhe anulimin e ndryshimeve në ligjin për trashëgiminë kulturore shqiptare.
Sipas dokumentit të dorëzuar në Kuvend, këto çështje duhet të trajtohen në mënyrë urgjente, pasi lidhen me shqetësime të ngritura nga qytetarët në protestë.
