Partiçka e Lulzim Bashës ka reaguar sot ndaj lajmit të VNA, që publikoi faktin se “Koalicioni Euroatlantik” (siç ishte emri i partisë me të cilën Lulzim Basha garoi në zgjedhjet e 11 majit) ka mbyllur zyrat e saj.
Që partiçka e zotit Basha ka mbyllur zyrat e saj, për këtë mjafton fakti që ditë më parë janë mbyllur dyert e ambienteve ku ata ushtronin aktivitetin e tyre dhe janë hequr mjetet logjistike, përfshirë edhe kompjuterët. Fakt që pranohet dhe nga vetë deklarata e zotit Basha
Për sa i përket pretendimit se “nuk është krijuar asnjë parti”, është fakt publik se kjo parti, me emrin “Koalicioni Euroatlantik”, është regjistruar në zgjedhje nën petkun e së cilës ka garuar Lulzim Basha dhe gjithë kandidatët e tij. Kujtojmë se vetë Lulzim Basha nuk ka qenë asnjëherë palë në ndonjë proces juridik për çështjen e vulës dhe simboleve të PD
Që ai do të vazhdojë betejën për simbolet e PD-së, kjo është diçka për të cilën ne nuk i garantojmë dot qytetarët shqiptarë. Dhe, sa për të rihapur zyrat në shtator, për këtë sigurojmë zotin Basha se do ta pasqyrojmë aktivitetin e tij sapo ai të rikthehet si politikan aktiv.
