Pas incidentit të sotëm kur Asllan Dogjani hyri në sallën ku po rinumëroheshin votat e Tiranës duke kërcënuar dhe ofenduar anëtarët e KAS, kjo e fundit u mblodhën me urgjencë dhe morën vendim për ndalimin e kandidatit Asllan Dogjani në ambjentet e "Fahrie Hoti".
KAS i ka përcjellë Policisë se Shtetit, vendimin e marrë. Deri në përfundim të procesit të numërimit Asllan Dogjanit i ndalohet të futet në ambjentet e shkollës "Fahrie Hoti".
Po sot në Gjykatën e Posaçme kundër Korrupsionit dhe Krimit të Organizuar, është shtyrë seanca gjyqësore ndaj Asllan Dogjani, i akuzuar nga SPAK për fshehje të pasurisë.
Shkak për shtyrjen e gjyqit u bë kërkesa e vetë deputetit, i cili ka deklaruar se është aktualisht i angazhuar me procesin e rinumërimit të votave për zgjedhjet vendore të 11 majit.
Avokatët e Dogjanit depozituan një kërkesë për shtyrje për arsye të angazhimit institucional të klientit të tyre si përfaqësues në procesin zgjedhor. Pas vendimit të KAS, Asllan Dogjani është i lirë të paraqitet në Gjykatë.
