Monika Kryemadhi ka dalë sot nga ambientet e SPAK, ku ishte paraqitur për të zbatuar masën e sigurisë “detyrim paraqitje”, duke u ndalur për një deklaratë para mediave.
Kryemadhi konfirmoi se ka qenë në Shtetet e Bashkuara, konkretisht në Las Vegas dhe Los Angeles, së bashku me kushëririn e saj Adrian Shatku dhe këngëtaren Bebe Rexha. Ajo tha se udhëtimi ishte për të festuar 10-vjetorin e vajzës së saj, e shoqëruar edhe nga disa mikesha, ndërsa sipas saj ka informuar bankën në SHBA për shpenzimet personale gjatë qëndrimit atje.
E pyetur për pretendimet se ka shpenzuar mbi 200 mijë dollarë për veshje, Kryemadhi i mohoi këto zëra, duke deklaruar se janë “deklarata të bëra nga Tedi Blushi, Sekretari i Përgjithshëm i Partisë së Lirisë, i cili, sipas saj, merr direktivat nga SPAK”.
