Lekë Ndreshaj, 78 vjeç, nga Torovica e Lezhës, rezulton i zhdukur prej mesditës së 9 qershorit 2025 dhe pavarësisht kërkimeve nga policia dhe familja nuk ka asnjë gjurmë prej tij.
Ai është parë për herë të fundit rreth orës 13:00 në një ceremoni mortore në Malësinë e Madhe dhe prej atij momenti familja ka humbur kontaktet me të. Policia, me marrjen e denoncimit, ka ushtruar kontrolle në të gjithë zonën dhe ka marrë dëshmi të personave që kanë pasur kontaktin e fundit me të, por pa rezultat.
Familja apelon për ndihmë nga gjithkush që mund të ketë informacion për vendndodhjen e të moshuarit, ndërsa thekson se ai nuk ka pasur asnjë problem apo konflikt me persona të tjerë.
