Një ngjarje e rëndë ka ndodhur mbrëmjen e kësaj të hëne në Jalë, ku një 32-vjeçare, e cila kishte ardhur për të pushuar në Himarë dhe ishte akomoduar në një hotel, ka humbur jetën pasi ka shfaqur probleme shëndetësore.
Sipas informacionit paraprak të policisë, 32-vjeçarja me inicialet I. R., lindur në Londër, Mbretërinë e Bashkuar, kishte kërkuar ndihmë në recepsionin e hotelit pasi nuk ishte ndier mirë.
Stafi i hotelit e ka transportuar menjëherë drejt Qendrës Shëndetësore, por pavarësisht ndihmës së dhënë, 32-vjeçarja ka ndërruar jetë.
Nga verifikimet paraprake të mjekëve dyshohet se vdekja ka qenë natyrale, pasi e reja kishte pasur probleme shëndetësore, konkretisht me frymëmarrjen dhe diabetin.
Grupi hetimor, nën drejtimin e Prokurorisë, po vijon veprimet procedurale për të përcaktuar plotësisht shkakun e vdekjes
