Kadri Veseli, ish-kryetar i Kuvendit të Kosovës dhe ish-anëtar i Shtabit të Përgjithshëm të Ushtrisë Çlirimtare të Kosovës, është dënuar me 18 vite burg nga Dhomat e Specializuara në Hagë.
Gjatë shpalljes së aktgjykimit, trupi gjykues paraqiti vlerësimet lidhur me rolin dhe përgjegjësinë e Veselit, duke konstatuar se ai kishte keqpërdorur pushtetin dhe pozitën e tij për qëllime kriminale.
Në përcaktimin e masës së dënimit, gjykata mori parasysh edhe rrethanat personale të Veselit, si dhe sjelljen e tij gjatë procesit gjyqësor.
Sipas trupit gjykues, Veseli kishte treguar sjellje të mirë gjatë procesit, me përjashtim të një rasti të veçantë.
Gjykata mori gjithashtu në konsideratë faktin se Veseli iu dorëzua vullnetarisht Dhomave të Specializuara.
