Kryeministri Edi Rama ka publikuar një mesazh nga koordinatori juridik për gjyqin ndaj deputetit të opozitës, Gazment Bardhi, të cilin e ka paditur për shpifje. Në një postim në rrjetin social X, Rama deklaroi se avokatët e Bardhit kanë kërkuar që deklaratat e tij të mos merren parasysh, me argumentin se ato janë fakte të njohura publikisht.
Sipas Ramës, ky proces gjyqësor ka të bëjë me shpifjet e Bardhit ndaj tij dhe kërkon prova konkrete. Në fund të reagimit, kryeministri ironizoi dënimin me 1 vit burg të deputetit Ervin Salianji për shpifje, duke lënë të kuptohet se proceset gjyqësore për këtë vepër penale po sjellin pasoja konkrete.
Postimi i Plotë:
Një mesazh nga koordinatori juridik i shumë gjyqeve me kënetën. Lexojeni pak:
“Sot kishim gjyqin per shpifje me Gaz Bardhin. Avokatet e tij kane kembengulur qe te mos merren parasysh vendimet e penales, sepse medemek ato qe ka thene bardhi jane fakte te njohura publikisht dhe ai thjesht i ka perseritur. Plus ne parashtrime thoshin Ols Rama ashtu e Ols Rama keshtu packa se SPAKU e nxorri qarte fare qe ai s’ka asnje lidhje me akuzat e Bardhit. Megjithate avokati yne ua ka bere te qarte qe padia eshte e Edi Rames dhe behet fjale per deklaratat e Bardhit per kryeministrin qe ka fshire emrin e vellait nga dosja me prokurore qe pastaj i ka promovuar etj etj.. Pra gjyqi eshte me Edi Ramen dhe per shpifjet ndaj Edi Rames, prandaj ata duhet te sjellin prova qe te vertetojne theniet e Bardhit. Po natyrisht ata prova s’kane dhe s’perdridhen duke shtyre seancat me llafe boshe. Ju informoj per seancen tjeter”.
Eh Babale Babale, s’perdridhu s’perdridhu…
Kreu i Grupit Parlamentar të Partisë Demokratike, Gazment Bardhi, ka reaguar ndaj një postimi të kryeministrit Edi Rama në rrjetet sociale, ku ky i fundit shpjegoi zhvillimet në seancën gjyqësore për padinë për shpifje ndaj tij. Në përgjigjen e tij, Bardhi sugjeron se Rama mund të jetë i rënduar psikologjikisht për shkak të situatave të fundit dhe e këshillon të qetësohet. Ai gjithashtu i kërkon Ramës të vendosë nëse akuzat për shpifje lidhen me të apo me vëllain e tij, Olsi Ramën.
"Koordinatori të paska ngrënë “dardha e mollë” pas shpine!
