SPAK e GJKKO përgënjeshtrojnë Erjon Veliaj: Prokurori në asnjë moment nuk përdori fjalën "ndyrësirë"
Kryebashkiaku Erion Veliaj pretendoi sot se prokurori i posaçëm Ols Dado e ka etiketuar atë si "ndyrësirë". Megjithatë, SPAK publikoi procesverbalin e seancës gjyqësore, duke mohuar pretendimin e Veliajt dhe sqaruar se në asnjë moment prokurori nuk ka përdorur ndonjë term fyes ndaj tij.
"Prokuroria e Posaçme Kundër Korrupsionit dhe Krimit të Organizuar ju informon si vijon: Procesverbali i seancës gjyqësore të datës 12.02.2025, në faqen 292, e numërtuar nga Gjykata e Posaçme për Korrupsionin dhe Krimin e Organizuar (GJKKO), si dhe regjistrimi audio i seancës, nuk përfshijnë fjalët e përmendura nga personi nën hetim, E.V., të publikuara sot në media. Kjo është faqja 292 e procesverbalit të skanuar, e firmosur nga sekretarja e GJKKO-së", thuhet në njoftimin e SPAK.
Edhe Gjykata e Posaçme mohoi deklaratën e Veliajt, duke e cilësuar atë të pavërtetë.
"Nisur nga interesimi i lartë dhe kërkesat për informacion në bazë të ligjit Nr. 119/2014 'Për të drejtën e informimit', ju bëjmë me dije se pretendimi i bërë nga personi nën hetim, Erion Veliaj, mbi përmbajtjen e procesverbalit të seancës gjyqësore të datës 12.02.2025, është i pavërtetë. Nga verifikimi i bërë në sistemin audio të seancës për marrjen në pyetje të të hetuarve, konkretisht në intervalin kohor 18:34:02 – 18:34:57 (të cilit i referohet i hetuari në postimin e tij), si dhe nga procesverbali, nuk rezulton që prokurori Ols Dado të ketë përdorur fjalën 'ndyrësirë'", theksoi gjykata.
Pra, Erion Veliaj, i cili nga burgu vijon të sulmojë dhe të hedhë akuza ndaj prokurorit Dado, nuk duhet hetuar vetëm për korrupsion dhe pastrim parash, por edhe për manipulim të fakteve.
Lexo gjithashtu
Video
Ju flet Evis Sala për dhunën ndaj grave në hapësirën digjitale… e sigurt që nuk e ka parë konferencën e djeshme të shefit te madh
Ambasada e Shteteve të Bashkuara në Bagdad është goditur nga një dron ose raketë, sipas një zyrtari të sigurisë irakiane. Sulmi ndodhi pak pasi dy militantë të mbështetur nga Irani u vranë në një bastisje në kryeqytetin irakian. Është hera e dytë që ambasada amerikane sulmohet që nga fillimi i luftës Izrael-SHBA kundër Iranit. Sulmet janë marrë përsipër nga grupe të armatosura pro-iraniane në Irak, të cilat prej ditësh po godasin me dronë dhe raketa bazat amerikane në rajon.
Dhjetëra qytetarë të Lezhës janë mbledhur në sheshin kryesor të qytetit për të përkujtuar 25-vjeçaren Xhuana Nikollaj nga Shëngjini. Pjesëmarrësit ndezën qirinj dhe vendosën lule pranë fotografisë së saj, duke shprehur dhimbjen për humbjen e të resë dhe solidaritetin me familjen në këtë moment të vështirë. E reja dyshohet se i dha fund jetës pas një periudhe të vështirë personale dhe dhunës nga ish-bashkëshorti i saj. Ngjarja ka shkaktuar reagime dhe debat në opinionin publik, ndërsa qytetarët kërkuan më shumë vëmendje dhe mbështetje institucionale për rastet e dhunës në familje.
Një grup prej rreth 20 grabitësish të maskuar realizuan një grabitje në dyqanin e bizhuterive “Kumar” në Kaliforni, duke marrë mallra me vlerë mbi 1.4 milion dollarë brenda rreth 70 sekondash. Sipas autoriteteve, grabitësit thyen vitrinat me çekiçë dhe morën rreth 75–80% të bizhuterive të ekspozuara, para se të largoheshin me automjete që i prisnin jashtë. Policia arrestoi katër të rinj të moshës 19–20 vjeç pasi ndaloi një prej automjeteve të përdorura për arratisje, ndërsa hetimet për identifikimin e personave të tjerë të përfshirë vijojnë.
Doni të informoheni të parët për lajme ekskluzive?
Bashkohuni me grupin tonë privat.
Histori të harruara
Më shumë lajme
