Kryebashkiaku i Tiranës, Erion Veliaj, ka reaguar në rrjetet sociale ndaj akuzave të SPAK, duke i cilësuar ato si një “goditje qorre” dhe një “vrasje me pagesë” për llogari të ish-kryeministrit Sali Berisha.
Në një postim në Facebook, Veliaj shprehet se arrestimi i tij synonte ta largonte nga drejtimi i bashkisë në mes të fushatës, por ai nuk do të ndalet në çmontimin e asaj që e quan “dosje farsë”.
“Menduan që duke më futur brenda, do të më mbyllin gojën, por s’e kanë menduar keq, se kështu bënte edhe Saliu kur degdiste kolegët mjekë në internim”, shkruan Veliaj, duke akuzuar prokurorin Olsi Dado dhe ish-kryeministrin Berisha për një skenar të mirëorganizuar kundër tij.
Ai gjithashtu ironizon hetuesit e çështjes, duke iu referuar njërit prej tyre si “Bruce Willis hajvani”, ndërsa shprehet se do të vazhdojë betejën ligjore për të zbardhur të vërtetën.
Postimi Goditja qorre e Olsi Dados kundër meje dhe familjes time është kryekëput një “vrasje me pagesë” për llogari të Sali Fundërrinës. Paçavurja e tij e thurrur me gabime trashanike dhe dashakeqësira pa cipë fare, pastaj aktivizimi i kasapit Sali fundërrinist, që si për ironi të fatit mban edhe emrin tim (Erion), bënë realitet largimin tim nga drejtimi i Bashkisë së Tiranës në mes të fushatës.
