Kryetari i Partisë Demokratike, Sali Berisha, ka zhvilluar një takim me shqiptarët në Parma në Itali. Në një kohë kur Shqipëria dhe shqiptarët përballen me probleme të mëdha ekonomike dhe sociale, Berisha ka zgjedhur që fushatën e tij ta fokusojë tek TikToku dhe punësimin që bëri si drejtor të fushatës së PD, Chris LaCivita. Kreu i PD tha se Rama është i vetmi lider që ka arrestuar kreun e opozitës dhe që ka censuruar TikTokun.
“A kishte në atë sallë ndonjë lider që kishte arrestuar opozitën si Edi Rama? Asnjë të vetëm. A kishte në atë sallë një njeri i cili kishte marrë vendim për të censuruar mjetin më të fuqishëm të komunikimit TikTok-un, vetëm se rinia nuk i ndahet kundër tij” – tha Berisha.
Kontraktimi i menaxherit të fushatës të Donld Trump, Chris LaCivita, lideri i PD e shet si garanci që do të rrëzojë Edi Ramën edhe në takimet me diasporën.
“Edi Rama u tmerrua kur e pa. E kuptoi humbjen e tij dhe menjëherë nisi propagandën, duke pretenduar se LaCivita ishte blerë nga Berisha. Po ai ngatërroi LaCivita me McGonigal-in” u shpreh Berisha.
Më tej, Berisha tha se një gazetar i madh italian ka shkruajtur për marrëveshjan Rama-Mc Gonigal që kishte si synim për të shkatërruar opozitën. Sipas tij, deklaratën e gazetarit Italian e ka shpëndarë drejtori i fushatës elektorale të PD, Chris LaCivita, dhe kështu e kanë marrë vesh të gjitha selitë diplomatike në Europë.
“Një gazetar i madh italian shkruante sot e kam të paqartë marrëveshjen Rama-Mc Gonigal sepse drejtësia e Biden e mbajti të fshehtë një marrëveshje që mori 225 mijë. Marrëveshja ishte ër të shkatërruar opozitën në Shqipëri. Këtë deklaratë të gazetarit, u shpërnda nga La Civita dhe e kanë marrë vesh të gjitha selitë diplomatike në Europë" - u shpreh Berisha.
