Qeveria shqiptare dhe ajo e Emirateve të Bashkuara Arabe kanë nënshkruar disa marrëveshje strategjike, duke forcuar bashkëpunimin mes dy vendeve në fushën e energjisë, teknologjisë dhe infrastrukturës.
Kryeministri Edi Rama bëri të ditur se marrëveshjet janë lidhur mes kompanive Masdar, TAQA, KESH dhe OST, ndërsa u nënshkrua edhe një letër angazhimi për zhvillimin e Projektit të Qytetit Inteligjent të Shqipërisë në partneritet me kompaninë “Presight AI Ltd”.
“Këto marrëveshje përfaqësojnë një hap të rëndësishëm për të ardhmen e zhvillimit të qëndrueshëm dhe modernizimin e Shqipërisë”, u shpreh Rama.
