Gjykata e Posaçme ka shpallur të pafajshme kryebashkiaken e Roskovecit, Majlinda Bufi. Zyrtarja vendore ishte marrë e pandehur nga SPAK për veprën penale të “Përdorimit të funksionit publik për veprimtari politike ose zgjedhore”.
Sipas gjykatës, nuk provohet se e pandehura e ka kryer veprën penale.
Majlinda Bufi u hetua dhe u gjykua në gjendje të lirë.
SPAK kishte kërkuar dënimin e saj me 1 vit e 6 muaj burg, i cili reduktohej në 1 vit për shkak të gjykimit të shkurtuar. Më pas, Prokuroria kërkoi konvertimin e dënimit në 2 vite shërbim prove.
