Furtunë largimesh në Bashkinë e Tiranës. Kryetarja në detyrë, Anuela Ristani, ka vendosur të shkarkojë bashkëpunëtorë të tjerë të Erion Veliajt, i cili ndodhet në masën e arrestit me burg, nën dyshimet për korrupsion dhe pastrim parash. Me firmën e saj janë larguar nga detyra drejtori i Protokollit, drejtoresha e Shërbimeve Mbështetëse, një sekretare si dhe shoferë. Më herët, u shkarkuan nënkryetarja Sara Goxhaj dhe sekretari i Përgjithshëm, Alban Dokushi.
