Ish-kryebashkiaku i Divjakës, Fredi Kokoneshi, është marrë i pandehur për akuzën e shpërdorimit të detyrës. Për të njëjtën vepër penale janë marrë të pandehur edhe Dorjan Spaho, Andi Bullari dhe Ledio Xharo.
Kokoneshi akuzohet se, bashkë me vartësit e tij në Bashki, ka kryer veprime të kundërligjshme gjatë procedurës së dhënies me qira të disa pasurive që janë përdorur për impiante diellore me afat shfrytëzimi 10-vjeçar. Tokat rezulton se ishin regjistruar si tokë bujqësore.
Hetimet janë përfunduar dhe dosja është dorëzuar për gjykim në GJKKO.
Shorti ka përcaktuar për shqyrtim në seancë paraprake gjyqtarin Erion Çela.
