Një 22-vjeçar ka mbetur i plagosur me thikë pas një konflikti të ndodhur në lagjen “Grumbullimi” në Fushë-Krujë.
Sipas informacioneve paraprake, debati mes disa të rinjve ka degraduar në përdorimin e një mjeti prerës, ku ka mbetur i plagosur shtetasi me inicialet M.K., banues në këtë zonë.
I riu është goditur me thikë dhe është transportuar për ndihmë mjekësore në Spitalin e Traumës në Tiranë.
Policia po punon për zbardhjen e plotë të rrethanave të ngjarjes, identifikimin e autorit të dyshuar dhe dokumentimin e saj. Ndërkohë, gjendja shëndetësore e 22-vjeçarit nuk është bërë ende e ditur.
