Nexhmije Sula, 50 vjeçarja, drejtoreshë e shkollës 9-vjeçare në fshatin Pocest, Maqellarë.
Ajo u plagos rëndë këtë pasdite nga djali i saj, 26-vjeçari Ikler Sula, pas një konflikti familjar.
Sipas burimeve zyrtare, i riu dyshohet se e ka goditur të ëmën 7 herë me thikë. Nexhmije Sula ndodhet aktualisht në Spitalin e Traumës, ku po merr ndihmën mjekësore të nevojshme.
Mësohet se autori kishte kohë që vuante nga probleme të shëndetit mendor. Ndërkohë, policia dhe autoritetet përkatëse janë në vendin e ngjarjes dhe po hetojnë rrethanat e plota të këtij akti të rëndë.
Njoftimi Policisë
"Shërbimet e Policisë, menjëherë pas marrjes së njoftimit, se në fshatin Pocest, Maqellarë, kishte ndodhur një konflikt në familje, menjeherë kanë shkuar në adresën e marrë. Nga veprimet hetimore të kryera ka rezultuar se, gjatë një konflikti për motive të dobëta, shtetasi I.S., 26 vjeç, ka plagosur me mjet prerës (thikë), nënën e tij shtetasen N.S., 50 vjeçe, e cila ndodhet në spitalin e Traumës, në kujdesin e mjekëve".
