Pak javë më parë Kryetarja e Komanduar e Bashkisë Tiranë Anuela Ristani hapi një tender me vlerë 465 mijë euro për rimobilimin e zyrës, tender që u anullua nga Komisioni i Prokurimit Publik për shkak të kritereve diskriminuese që ishin si kostum i qepur për një kompani të caktuar.
Faturën e luksit të Bashkisë Tiranë e paguajnë qytetarët e thjeshtë dhe taksapaguesit. Çdo muaj qindra pensionistë presin për orë të tëra nën temperaturat përvëluese për të marrë abonetë falas në pikat e shpërndarjes së aboneve.
Në një reagim publik në Facebook "Qendresa Qytetare" kërkon që të ndryshohet mënyra e dhënies së aboneve për pensionistët dhe shpërndarja e tyre të behet në postat ku merret pensioni me kriter të vetëm librezën e pensionit.
