Nga burgu, ku mbahet si i dyshuar për korrupsion dhe pastrim parash, ai është rebeluar dhe ka vendosur të firmosë urdhrin nr. 592, datë 18 mars 2025. Përmes këtij urdhri, ai ka hequr nga kompetencat Anuela Ristanin dhe ia ka deleguar ato të besuarës së tij, Sara Goxhaj.
Duke qenë se kjo e fundit mbante postin e shefes së kabinetit dhe nuk mund të komandohej në krye të institucionit, Veliaj fillimisht firmosi një urdhër për ta emëruar atë si nënkryetare.
Sipas burimeve, vendimi i Veliajt nuk është pritur mirë nga kryeministri. Pas njohjes me këtë urdhër, Rama zhvilloi një takim me zyrtarët e Bashkisë mbrëmjen e së mërkurës. Ai kërkoi sqarime nëse ky vendim ishte i ligjshëm. Vartësit e Veliajt argumentuan se gjithçka ishte në përputhje me ligjin dhe se Sara Goxhaj ishte e aftë të përmbushte detyrën, pasi njihte në detaje strukturat e Bashkisë.
Në kulmin e debatit, Rama kërkoi dorëheqjen e Sekretarit të Përgjithshëm, Alban Dokushi, i cili mësohet se e refuzoi, duke deklaruar se nuk kishte kryer asnjë paligjshmëri. Sipas ligjit, vetëm
Në vijim të kësaj përplasjeje dhe tensioneve të krijuara, mësohet se janë përgatitur urdhrat për rikthimin e Anuela Ristanit në krye të Bashkisë si e komanduar dhe i janë dërguar Veliajt për firmosje. Megjithatë, ai nuk i ka firmosur ende.
Në orët në vijim pritet të qartësohet më tej përplasja mes kryebashkiakut dhe kryeministrit. A do të tërhiqet Veliaj, apo Edi Rama do të mbledhë qeverinë për ta shkarkuar?
