Presidenti turk, Recep Tayyip Erdogan, e vlerësoi vizitën e tij në Tiranë si produktive dhe të suksesshme. Erdogan theksoi rëndësinë e hapjes së xhamisë së Namazgjasë, e cila do të shërbejë për 8,000 besimtarë në Tiranë. Ai e përmendi edhe rrezikun nga organizata FETO, të cilën e konsideron si terroriste, duke theksuar ndikimin e saj në Shqipëri dhe nevojën për ta luftuar atë.
Gjatë takimeve, dy liderët nënshkruan dokumente të rëndësishme në fushat e arsimit të lartë, bujqësisë, dhe marrëdhënieve me publikun dhe median, duke konfirmuar miqësinë e palëkundur mes Turqisë dhe Shqipërisë. “Ne theksuam vendosmërinë tonë për të luftuar bashkërisht organizatat terroriste, veçanërisht FETO-n,” përfundoi Erdogan.
