Kryeministri Rama, në një intervistë për gazetën italiane La Repubblica, është shprehur se qendrat e emigrantëve në Shqipëri nuk përbëjnë shqetësim për qeverinë shqiptare. Rama ka theksuar se do të shqetësohen nëse përfshihen nga ana e Italisë, me të cilën është arritur një marrëveshje për ndërtimin e një strukture në Gjadër për ndalimin dhe riatdhesimin e emigrantëve që tentojnë të kalojnë drejt Italisë.
Rama tha se ndërtimi dhe menaxhimi i qendrave është diçka që nuk ka absolutisht asnjë lidhje me qeverinë shqiptare.
Një javë para hapjes së kampit në Gjadër, kryeministri Rama ka theksuar se marrëveshja me homologen italiane Giorgia Meloni është pjesë e përpjekjeve për menaxhimin e flukseve migratore jashtë kufijve italianë.
A e dini që nga java e ardhshme pritet të mbërrijnë emigrantët e parë?
Rama: Jo, nuk e di, sepse ata do të shoqërohen nga autoritetet italiane në një vend që është nën juridiksionin italian. Si gjatë udhëtimit për në kamp ashtu edhe gjatë qëndrimit, nuk ka asnjë ndërthurje me autoritetet tona.
A keni folur kohët e fundit me Melonin? Nuk do të ketë asnjë prerje shiriti për këtë projekt?
Rama: Jo, nuk e di, nuk kemi folur për këtë që kur ajo ishte këtu për të bërë inspektimet e kantierëve."
Disa vende evropiane duan të kopjojnë marrëveshjen Itali-Shqipëri. Çfarë mendoni për këtë?
Rama: Mund të jetë e përsëritshme, por së pari do të më duhej të kuptoja se kush është çifti tjetër de facto në Evrop, i përbërë nga një shtet anëtar i BE-së dhe një shtet evropian që ende nuk është anëtar i BE-së: për momentin e kam të vështirë ta shoh.
A jeni i shqetësuar që pakti mund të dështojë për shkak të pengesave juridike në mbajtjen e emigrantëve?
Rama: Marrëveshja parashikon që emigrantët nuk mund të largohen nga kampi dhe të udhëtojnë lirshëm në Shqipëri. Nëse kjo do të ndodhte, një plan veprimi i miratuar do të vihet në lëvizje: institucionet dhe agjencitë tona të sigurisë dhe drejtësisë kanë punuar ngushtë së bashku për vite me radhë për të luftuar krimin e organizuar. Do të shqetësohem nëse dhe kur ka arsye për t'u shqetësuar, dhe vetëm nëse Italia na kërkon të ndajmë shqetësimin. Deri atëherë, nuk jam i shqetësuar. Në të vërtetë, jam shumë i qetë, sepse marrëdhënia mes Italisë dhe Shqipërisë, gjatë këtyre dekadave, më ka mësuar se kur Shqipëria duhet të shqetësohet, nuk është kurrë vetëm. Falë Italisë, para së gjithash. Dhe pastaj, për ta thënë troç, kur në krye të qeverisë në Itali është dikush është dikush që insiston të përballet gjithmonë, mund të ecësh përpara me besim edhe kundër çdo fatkeqësie të papritur.
