Rëndohet bilanci i aksidentit tragjik të ndodhur pasditen e sotme pranë rrethrrotullimit të TEG-ut në Tiranë, ku një betoniere u përplas me një automjet dhe më pas ra në pjesën e poshtme të aksit rrugor TEG–Elbasan.
Sipas burimeve, ka ndërruar jetë edhe personi që ishte transportuar në Spitalin e Traumës në gjendje të rëndë. Viktima ishte pasagjer në betoniere.
Në vendngjarje kishte humbur jetën një prej personave që udhëtonte në mjetin e rëndë, ndërsa me vdekjen e të plagosurit numri i viktimave është rritur në dy.
Burimet bëjnë me dije se dy viktimat janë shtetas egjiptianë.
Ndërkohë, drejtuesi i automjetit tjetër të përfshirë në aksident vijon të jetë në spital.
