Aurel Kaziu, punonjës policie në komisariatin nr.5 në Tiranë është pezulluar nga detyra, pasi u ndalua në pikën kufitare të Merdarës bashkë me dy persona të tjerë, teksa tentuan të trafikonin 1 mln euro nga Serbia drejt Kosovës. Në urdhrin e pezullimit theksohet se Kaziu nuk kishte njoftuar eprorët për lëvizjet jashtë vendit. Kaziu, inspektor për hetimin e krimeve, u ndalua mbrëmjen e kaluar në pikën kufitare bashkë me Ardit Laskën dhe Etnik Ahmaxhokaj. Nga verifikimet e para sipas policisë së Kosovës, sikurse raportojnë mediat atje, ka dyshime se paratë janë produkt i aktivitetit kriminal. Më herët efektivi i policisë ka punuar në fushën e transportit të mallrave.
