Një aksident tragjik ka ndodhur mesditën e së martës në Tiranë, ku një fëmijë rreth 7 vjeç ka humbur jetën pasi u përplas nga një automjet.
Sipas policisë, ngjarja ka ndodhur rreth orës 11:20, në rrugën “Kastriotët”. Një automjet, me drejtues ende të paidentifikuar, ka përplasur të miturin dhe më pas është larguar nga vendi i aksidentit.
Fëmija u dërgua me urgjencë në spital, por për shkak të plagëve të rënda nuk ka mundur të mbijetojë.
