Nënkryetari i Partisë Demokratike, Oerd Bylykbashi, në një intervistë për Klan Neës, ka folur për rezultatin e 11 majit dhe humbjen e thellë të PD. Bylykbashi është shprehur se një prej shkaktarëve është sistemi zgjedhor që duhej zhbërë me kohë.
“Ky sistem zgjedhor duhej të zhdukej në vitin 2020. Ky nuk është 2008-ta. Ky është hibridi toksik i vitit 2020, i Edi Ramës dhe Damian Gjiknurit” – u shpreh Bylykbashi.
Por konstatimi i Bylykbashit jo vetëm është i vonuar por edhe paradoksal, i cili vjen një vit pasi miratoi ndryshimet në kodin zgjedhor, me Damian Gjiknurin dhe bekimin e Ramës dhe Berishës.
Megjithatë në këtë kohë të dëshpëruar për demokratët, i shërben retorikës publike pendesa e Bylykbashit i cili mandatin edhe për katër vitet e tjera nga lista e mbyllur e ka të siguruar.
