Donald Trump ka bërë deklarata të forta për zhvillimet në Iran dhe raportet me Izraelin, duke paralajmëruar se SHBA-ja ka mundësi ushtarake ndaj udhëheqjes iraniane, por nuk do të veprojë për të mos shkatërruar negociatat. Në një intervistë për Axios, ai tha se gjatë ceremonive mortore për Ajatollah Ali Khamenei do të jenë të pranishëm liderët kryesorë iranianë, duke e cilësuar situatën si një “rast strategjik” për SHBA-në.
Trump zbuloi gjithashtu se kryeministri izraelit Benjamin Netanyahu ka kërkuar një takim në Shtëpinë e Bardhë, i cili mund të zhvillohet javën e ardhshme pas Samitit të NATO-s. Duke komentuar raportin me liderin izraelit, Trump u shpreh me tone të forta: “Të gjithë e dinë kush është shefi”, duke lënë të kuptohet për ndikimin e tij në marrëdhëniet SHBA-Izrael.
Megjithatë, burime diplomatike tregojnë se mes Uashingtonit dhe Tel Avivit ka pasur tensione në muajt e fundit lidhur me mënyrën si duhet trajtuar Irani dhe konflikti në rajon. Nëse takimi realizohet, ai do të jetë i pari mes Trump dhe Netanyahu që nga muaji shkurt, kur u diskutua një plan i ri për Iranin në Shtëpinë e Bardhë.
