Kryeministri i ri i Britanisë, Andy Burnham, ka deklaruar se do t’i vendosë gjithmonë interesat e vendit të tij mbi çdo konsideratë tjetër, duke komentuar edhe marrëdhënien me presidentin amerikan Donald Trump.
Në intervistën e tij të parë për BBC pas marrjes së detyrës, Burnham u pyet nëse do ta kritikonte publikisht Trumpin kur ta konsideronte të nevojshme. Ai u përgjigj se detyra e një kryeministri është të mbrojë interesin kombëtar mbi gjithçka.
“Duhet të mbrosh interesin tënd kombëtar para çdo gjëje tjetër. Kjo është ajo që duhet të bësh nëse do ta bësh këtë punë siç duhet”, u shpreh ai.
Deklarata vjen pasi paraardhësi i tij, Keir Starmer, pati marrëdhënie të tensionuara me Trumpin për shkak të mosmarrëveshjeve mbi politikën e jashtme, emigracionin, energjinë dhe teknologjinë. Ndërkohë, Trump tha këtë javë se zhvilloi një “bisedë shumë të mirë” me Burnham menjëherë pas marrjes së detyrës.
Burnham përjashtoi gjithashtu mundësinë e zgjedhjeve të parakohshme para vitit 2029, duke theksuar se prioriteti i qeverisë është rikthimi i Britanisë në rrugën e duhur. Ai rikonfirmoi edhe angazhimin e plotë të Londrës ndaj NATO-s dhe objektivin për rritjen e shpenzimeve të mbrojtjes në 3.5% të PBB-së deri në vitin 2035.
