Gazeta The New York Times ka ndërprerë bashkëpunimin me gazetarin freelancer Alex Preston, pasi u zbulua se ai kishte përdorur inteligjencën artificiale për të shkruar një recension libri, i cili përmbante pjesë shumë të ngjashme me një recension të botuar më parë në The Guardian.
Ngjashmëria u zbulua nga një lexues, çka çoi në një hetim të brendshëm të gazetës. Preston pranoi se kishte përdorur një mjet AI për të ndihmuar në shkrimin e recensionit dhe se nuk kishte vënë re pjesët që ishin marrë nga teksti i Guardian.
New York Times e cilësoi këtë si shkelje të standardeve editoriale dhe njoftoi se Preston nuk do të shkruajë më për gazetën.
Vetë gazetari kërkoi falje, duke pranuar se kishte bërë një “gabim serioz”.
