Steve Bannon, ish-këshilltar i Donald Trump dhe një figurë kyçe në lëvizjen MAGA, ka bërë thirrje që Department of Homeland Security të dëbojë nga SHBA djalin e kryeministrit izraelit Benjamin Netanyahu, Yair Netanyahu, dhe ta dërgojë të luftojë në Iran.
‘Djali i Netanyahut në Miami, nxirreni jashtë nesër,’ tha Bannon.
‘Ku është DHS kur të duhet? Kthejeni mbrapsht. Vishini uniformën. Le të jetë në valën e parë.’
As Yair dhe as Avner Netanyahu, djali i dytë i kryeministrit, nuk kanë shërbyer në ushtrinë izraelite (IDF). Megjithatë, Avner mban një profil shumë më të ulët se vëllai i tij, i cili është përballur me kritika për disa polemika dhe qëndrime të forta publike.
