Partia Socialiste ka hedhur në kosh urdhrin e Ramës dhe i është bashkuar betejës së PD duke hyrë në garën e rinumërimit të votave në Tiranë. Sot PS ka dorëzuar një kërkesë në KAS, ku kërkon që fletët e votimit që po rinumërohen dhe kanë shenjën e votimit jashtë kutisë por që tregojnë qartë vullnetin e zgjedhësit, të quhen të vlefshme.
Me gjasë beteja e PS me KAS duket se ka lidhje me mandatin e pretenduar të Blerina Gjylametit, ku kjo e fundit është vetëm 125 vota larg për t’i marrë mandatin Olta Xhaçkës.
Pavarësisht se kërkesa për rinumërim ishte e disa kandidatëve të Partisë Demokratike, kjo e fundit hezitoi si fillim ta mbështeste këtë kërkesë. Më vonë Sali Berisha ndërroi me dje duke nisur një proces të stërzgjatur dhe që u kushton shqiptarëve plot 200 mijë euro. Nga ana tjetër, Edi Rama i preu në mes ëndrrat e disa prej kandidatëve të tij që kërkuan rinumërim. Por mesa duke një prej tyre, Blerina Gjylameti nuk ka hequr ende dorë dhe këmbëngul që të marrë mandatin e Xhaçkës me çdo kusht. Në këtë përpjekje të sajën Gjylameti nuk është vetëm. Pasi shkresat me logon e PS shkojnë rregullisht në KAS dhe drejtues socialistë po e mbajnë për gjatë merakun për mandatin e saj.
Ndoshta ky do jetë dhe leksioni i ardhshëm në shkollën politike të deputetëve të rinj të PS: zgjidh deputetin më me eksperiencë dhe pushtet…të shpëtosh mandatin dhe kur shefi i madh ka dhënë urdhër për të mos u bërë pjesë e rinumërimit.
