Kryetari i Partisë Demokratike, Sali Berisha, ka deklaruar se nuk është ftuar në ceremoninë e prezantimit të Eric Wendt si ambasador i ri i Shteteve të Bashkuara të Amerikës në Shqipëri.
Duke iu përgjigjur pyetjeve të qytetarëve në Facebook, Berisha komentoi nisjen e detyrës së diplomatit amerikan në Tiranë, ndërsa bëri të ditur se nuk kishte marrë ftesë për të qenë i pranishëm në ceremoni.
Kreu i PD-së tha gjithashtu se nuk është ftuar as në mbledhjen e Këshillit të Sigurisë Kombëtare, që pritet të zhvillohet të hënën.
Berisha e lidhi mungesën e ftesës për mbledhjen me qëndrimin e tij ndaj presidentit Bajram Begaj, të cilin e ka kritikuar publikisht.
Deklaratat e kreut të opozitës vijnë në ditën kur Eric Wendt nis zyrtarisht detyrën si ambasador i Shteteve të Bashkuara në Shqipëri, pas dorëzimit të letrave kredenciale te Presidenti i Republikës.
