Biznesmeni Luan Muça, pronar i kompanisë “Delta”, është arrestuar pas një konflikti të dyshuar me biznesmenin tjetër vlonjat, Vasil Bedinaj.
Ngjarja është konfirmuar nga Drejtori i Policisë së Vlorës, Edvin Ndreu, i cili dha detaje mbi hetimet dhe tha se pista kryesore lidhet me çështje pronësie.
Sipas policisë, konflikti mes palëve ka degraduar, ndërsa autoritetet po verifikojnë rolin e secilit person të përfshirë në ngjarje. Hetimet janë përqendruar te motivet e përplasjes dhe te rrethanat në të cilat ajo ka ndodhur.
Luan Muça është një emër i njohur në botën e biznesit, si pronar i kompanisë “Delta”, ndërsa Vasil Bedinaj po ashtu njihet si biznesmen në Vlorë.
