Apeli i GJKKO lë në fuqi sekuestrot për 3 pasuri të ish-zv kryeministrit Arben Ahmetaj. Për këto pasuri Kushtetuesja gjeti shkelje proceduriale dhe cënim të së drejtës së pronës.
Gjykatësi Dhimitër Lara pasi e rishqyrtoi çështjen vendosi sekuestro për një llogari me 120 mijë euro dhe një apartament 167 metra katrorë në Tiranë.
Ahmetaj po hetohet nga SPAK për korrupsion, pastrim parash e fshehje pasurie.
Ai është arratisur nga Shqipëria dhe ndodhet për momentin në Zvicër.
Njoftimi i plotë:
Ankues A.A., çështja nr.36 akti, datë 30.05.2025 regjistrimi, me objekt: caktim mase sigurimi pasuror, sekuestro preventive.
Ardhur për rishqyrtim nga Gjykata Kushtetuese.
Trupi gjykues monokratik i përbërë nga gjyqtari z. Dhimitër Lara, pas shqyrtimit të çështjes sot me datë 14.06.2025, vendosi:
Miratimin e vendimit/urdhrit n.296 akti, datë 17/07/2023 të Gjykatës së Posaçme të Shkallës së Parë për Korrupsionin dhe Krimin e Organizuar, për pasurinë
-Apartament n.*, sip.167m2, zk *, rruga ‘*’, ap.*, *, regjistruar në pronësi të z.A.A.;
-Shuma 8.620,68 euro në llogarinë me n.*, në * Bank, në emër të personit nën hetim z.A.A.;
-Shuma 115.692,84 euro në depozitën n.*, në ** Bank, me balancë 115.692,84 euro, në emër të personit nën hetim z.A.A.
