Një nga shkaqet e humbjes së thellë të PD, është edhe përbërja e listave të mbyllura me emra që nuk sjellin vota, ndërsa këtë e shprehin edhe vet përfaqësuesit e kësaj force politike.
I pyetur nëse ishin penduar për listën e Tiranës, drejtuesi politik i PD në zgjedhjet e 11 majit, Belind Këlliçi në A2CNN, ndoëse e justifikoi se nuk ka lista perfekte, tha se ajo e PD për Tiranën ishte e ndikuar nga rrethanat ku ndodheshim.
Deputeti i sapozgjedhur demokrat, pranoi po ashtu se ka pasur mundësi për të bërë më mirë me kandidatët e Tiranës, kur u vendos përballë faktit se ajo dukej në sytë e publikut si një listë e vjetër dhe e konsumuar.
“Që a mund të kishte hapësira për të punuar më shumë, për t’u hapur më shumë, për të patur qëndrime të ndryshme, patjetër kjo është e dukshme edhe pa diskutim kjo është e pranueshme”, pranoi Këlliçi.
