Aldo Bumçi, gjatë një fjalimi entuziast poshtë ballkonit të Sali Berishës, ka premtuar se Partia Demokratike (PD) është e gatshme për të kthyer historinë e Shqipërisë dhe për të sjellë ndryshimin që vendi ka nevojë. Këtë entuziazëm Aldo Bumçi e sheh te sheshet plot me protestues.
“Sheshet e mbushura sot tregojnë se shqiptarët besojnë te ne, te Partia Demokratike, dhe dalin për të kundërshtuar një manipulator si Edi Rama. Nëse do të mendonim se kryetari ynë nuk është i ndershëm, sheshet do të ishin bosh,” tha Bumçi, duke theksuar se vetëm qeverisja e PD-së ka sjellë ndryshimin real në vend.
Tani që qeverisja duhet të ndryshohet dhe Rama nuk e meriton të qeverisë më, kjo është një temë që pak njerëz e diskutojnë në Shqipëri. Por që sheshet nuk janë plot, këtë e sheh çdokush që ka shikim dhe mendje normale. Përndryshe, Aldo dhe kolegët e tij së paku duhet të jenë të sinqertë me mbështetësit dhe të gjejnë mënyrën dhe alternativën si të zgjojnë revolten e qytetarëve. Përndryshe, kur gënjen veten, e ke të pamundur të zgjosh të vërtetën te ata që presin nga opozita të ndryshojë këtë realitet.
