Këtë nder ja bëjmë vetëm Italisë.
Kjo "dashuri e pakushtëzuar" do të thotë se Roma ka privilegjin ekskluziv për të strehuar azilkërkuesit në tokën shqiptare, tha kryeministri shqiptar Edi Rama për Euronews.
Sipas marrëveshjes, Shqipëria do të pranojë emigrantet e kapur në det nga autoritetet italiane, të cilët vijnë nga vende të cilat Italia i konsideron të sigurta. Ata do të dërgohen në qendrat pritëse në Shqipëri dhe kërkesat e tyre do të përpunohen nga zyrtarët italianë.
Aplikantët që kanë të drejtë për azil do të mund të strehohen në Itali, ndërsa ata që nuk kualifikohen do të ndalohen dhe do të kthehen në vendet e tyre. Qendrat ende nuk janë hapur, pavarësisht se qeveria italiane kishte thënë se do të ishin funksionale deri në pranverë.
Rama shpjegoi se Shqipëria po ofron një zgjidhje pragmatike, duke mohuar gjithashtu se marrëveshja ishte një shkëmbim për përpjekjet e Italisë për të përparuar vendin drejt anëtarësimit në BE. Shqipëria ka qenë një kandidat zyrtar për anëtarësim në bllok për një dekadë.
