Argita Malltezi në emisionin “Open” tha se do të garonte si deputete vetëm nëse ish-kryeministri Sali Berisha do të pengohet që të kandidojë për deputet.
“Unë do të kandidoj për deputete vetëm nëse ka një skenar për të ndaluar Sali Berishën që të kandidojë për deputet. Vetëm në këto kushte unë do të mendoj kandidimin, pasi nuk e kam si çështjes primare.
Fakti që Sali Berisha mbahet në një masë kaq të gjatë arresti tregon se ka një skenar për të mos e lejuar që të kandidojë. Nuk ka ndodhur kurrë që të vendoset një masë arresti pa u pyetur më parë personi që po hetohet”, tha Malltezi.
Malltezi gjithashtu u shpreh se nëse kandidon për deputete, do t’i nënshtrohet garës së primareve.
