"Ish-drejtoresha e tatimeve të Edi Ramës ka bërë mbrëmë llogaritë se sa u ka kushtuar shqiptarëve Prokuroria e Posaçme. E ftuar në një emision televiziv në Syri TV, Brisida Shehaj tha se vetëm SPAK dhe BKH janë paguar për vitet 2019 deri në muajt e parë të 2024 me 15 milionë euro vetëm rrogat dhe i gjithë sistemi ka marrë 100 milionë euro vetëm prokurorët.
Ky zbulim i rëndësishëm i zonjës Shehaj është një shifër që e gjen në çdo publikim zyrtar të financave të institucioneve përkatëse dhe është një shifër që ka qarkulluar në sistemin bankar të Shqipërisë. Ajo që ende nuk është zbuluar nga zonja Shehaj është shifra e milionave që shqiptarët kanë paguar për korrupsion apo ryshfete për ish-zyrtarët por dhe për ata aktualët e qeverisë Rama. Dhe këtë shifër, më mirë se kushdo e dinë ata që i shërbejnë apo i kanë shërbyer kryeministrit si nëpunës të emëruar dhe të bindur. Kanë memorie edhe ata që ai i ka flakur tej kur nuk i janë dashur."
