Është mbyllur me 4 vite burgim procesi gjyqësor për ngjarjen tragjike të ndodhur më 3 maj 2024 në lumin Buna të Shkodrës, ku një nënë së bashku me tre fëmijët e saj u mbytën, pasi nuk përballuan më dhunën psikologjike dhe fizike të ushtruar nga kryefamiljari, Erdgys Arrazi.
Gjyqtari i Shkodrës, Orgent Nazaj, e shpalli Arrazin fajtor për veprën penale të “Shkaktimit të vetëvrasjes”, duke e dënuar fillimisht me 6 vite burg. Por për shkak të gjykimit të shkurtuar, dënimi iu ul me 2 vite, duke u finalizuar në 4 vite heqje lirie.
Ngjarja tronditi opinionin publik në mbarë vendin, pasi policia gjeti trupat e pajetë të nënës dhe tre fëmijëve në ujërat e lumit, ndërsa i vetmi që mbeti në jetë dhe që u shpall përgjegjës ligjërisht për pasojat tragjike ishte bashkëshorti i saj.
