Policia e Tiranës ka gjobitur 12 qytetarë me nga 5 mijë lekë secili, për bllokimin e qarkullimit të automjeteve gjatë protestës së zhvilluar më 5 nëntor përpara Kryeministrisë.
Sipas njoftimit të Policisë, protestuesit kanë bllokuar bulevardin “Dëshmorët e Kombit” dhe nuk u janë bindur thirrjeve të punonjësve të policisë për lirimin e rrugës.
Me 12 masat e fundit administrative, numri i përgjithshëm i protestuesve të gjobitur që prej hyrjes në fuqi të aktit të ri normativ ka arritur në 95.
Masat janë vendosur në zbatim të ndryshimeve ligjore që parashikojnë gjoba për bllokimin e rrugëve dhe pengimin e qarkullimit gjatë tubimeve.
Policia njoftoi gjithashtu se materialet për 12 rastet e fundit i janë referuar Prokurorisë për veprime të mëtejshme.
