GJKKO caktoi masën e sigurisë arrest me burg për Gazmir Preçin ish-shefin e anti-drogës në policinë e Durrësit.
Preci akuzohet për korrupsion pasi kërkoi lekë një biznesmeni që ta lejonte të vijonte aktivitetin ne lokalin e tij të natës. Në seancë shefi i trafiqeve ka mohuar akuzën e SPAK, ndërsa ka theksuar se doli të takonte pronarin e biznesit pasi ky i fundit e kishte kërkuar. "Na e dija që në zarf kishte para dhe kërkova që të hapej në praninë e avokatit tim" - tha Preçi.
Ish-zyrtari i policisë ka deklaruar se kishte dyshime se biznesmeni bënte shitje narkotikësh dhe për këtë arsye e ka pasur nën vezhgim.
